الكلب الوفي

كإني بفصّل في بدلة عذاب

شارك في دور قص توبها الصحاب

قابلت السذاجة .. قابلت العتاب

قابلت المنافق .. قابلت الكلاب

دا لو كلب قابلك هاينزف لعاب

نجاسه و قزاره و زفاره و هباب

و لو سيبتو يلهث لكونكم صحاب

هيفجر و يطغى في لهث السباب

و لو جيت وحشتو لطول الغياب

هينهش بزمه .. بحكم الغياب

و لو جيت صالحتو و طال العتاب

يقولك سامحني .. يقولو دا تاب

و دوّرت ضهرك هتلقى عذاب

و تفقد ملامحك .. كإنْ شابّ شاب …

شعر ابن عوض