الرّصاصة..


أنا خدت رصاصة ف ضهري

و رصاصة الغدر نزيف

و الغدر دا سمّ بيهري

إحساس الغدر مخيف

ما الغدر بييجي في صورة

تشبه جزر المالديف

و حقيقته لمّا تبانلك

هتلاقي الوهم و زيف

و يبانلك طعم حقيقته

مرّ بألوان الطّيف

ما هو قربك م اللي تحبّه

بيبيّن شكله شَريف

تتخلّى عن دفاعاتك

و تكون مسترخي ضعيف

يديك الغدر ف لحظه

تشبه إعدام بالسّيف

ما الغدّار غدره طبيعته

و مزاجه و فرصه و كيف

بيخطّط يظبط ضربه

و يبانلك شكله عفيف

ميهمّش غير مصلحته

و مطالبك في التّسويف

لو حتى تموت علشانه

بيفكّر في التّكاليف

و يفكّر يرمي الجُثّه

و يوفّر في المصاريف

لو ساكن عادي ف بيتك

هيحسّك حِمل و ضيف

لو تطلب تاكل لقمه

هيقوملك يعمل شيف

أوّل ما هتدّيه ضهرك

يديك الموس في رغيف

و طبيعي هتجي الفرصة

ما هو صوت الأفعى حفيف

و ساعتها هتلمس جلده

و هتشعر بالحراشيف

لو شافك لمّا بتغرق

يمنع سبل التّجديف

أمراضه هتظهر واضحة

و بشاعته بشكل كثيف

و كلامه لمّا تعاتبه

هيبالغ في التّحريف

فاكر بكلامه هياكلك

لو كدبه بشكل ظريف

لو كنت هتسكن قصره

أحسنلك عيش في الرّيف..

#كلمات_محمد_عوض

#شعر_ابن_عوض

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s