سِيبت الحبل..

سيبت الحبل ف حق الندل

و لا يفرق جرى ايه على ايه

أصل الندل مسيره هيغدر

و لا تزعل و لا تبكي عليه

ده طبعه مش حاجه جديده

و ندالته متأصّله فيه

ما هو لو كان محتاجلك ييجي

و بعبطك على طول تدّيه

و ان سابك هيقول مأخدتش

لا لبانه و لا ربع جنيه

لما يحرجم يقلب حاوي

يعمل باشا و عمده بيه

لما هيقلب هتشوف واطي

كلمة عربجي لايقه عليه

لما هتحزن هو هيشمت

و ان فرجت راح تدعي عليه

عاش الندل و مات الندل

و متزعلش.. الكلّ ناسيه

#كلمات_محمد_عوض

#شعر_ابن_عوض