صرخة منفسن °٢٤


موسيقى الخلفيّة (207)

• يقولك ده “أبو طويله” ليه عندنا مشكلة في فهم صيغ المبالغة؟ ما يقول طويل و يقصّر.. و هل عكسه “أبو قصيره”؟

• يقولك على سبيل تقصّي الحظّ “بختك يا أبو بخيت”.. مين أبو بخيت ده كمان؟ 🤔 و ليه كلّ البخت متكوّم عنده؟ و إيه “بخت” دي كمان 😡

• مش شايف أي وجه ربط ما بين كلمتيّ “فَم”، و “بُؤ”، لا وفي ناس كمان بيسموه”تِمّ” و كمية خربطه ملهاش أي علاقة ببعض.. متفتحش بؤك.. وحشه “بؤك” دي.. قول معايا كده “بؤك” “بؤك”

• ييجو بتوع اليوتيوب قبل ما يبدؤا في سرد الهرس اللي هيقوله يقولّك”جهّز كوبّاية الشَّاي أو القهوة” طيب مثلاً مش عايز أشرب شاي أو قهوة.. أيه؟ بلاش أكمّل! حاجه غريبه فعلاً

• ييجو بتوع ال “تيك توك” قبل ما يبدؤا الكلام يقولك “موقع مش هتصدّق انّه موجود”.. مين قالك إنّي مش هصدّق انّه موجود.. على فكرة أنا مصدّق انّه موجود.. انت كده كذّاب..

• هي إيه “الطّيلمانه” اللي بيحكو عليها دي؟

• المفروض كل محلات “الكوافير” يتشمّعوا و يتحاكموا بتهمة “التّزوير”!

• فعلاُ كلمة “بطّيخه” لايقه عليها.. اللي اختارها كان جاحد..

• مثلاً لما واحد يحلق شعره كلّه.. بيقول عايز احلق “زلابطّه” و الجميل أنّ كلّه بيفهمه.. بيتهيّألي لو واحد أجنبي لسه بيتعلّم عربي عمره ما هيفهم يعني إيه “زلابطّه”.. مسكين قوي.. فايته نصّ عمره!

• يقولي ده واد “سرسجي”.. لو نشوف اشتقاق الكلمة نلاقيها توحي بأنّ الشّخص ده بيستغل في “السِّرس” و هو كده يبقى “سرسجي”.. بس إيه “السِّرس” ده مش عارف 🤔

• من غير ما اخواتنا اللبنانيين يزعلو مني لأنهم حبايبي.. بس في حاجه مش فاهمها.. واحد ينبسط من حاجه قوي يقولك “تقبرني” طيب لما نقبرك انت هتاخد انت ايه يعني؟! مش فاهم!

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s