ساعة الحساب


متخافيش مش ناوي أنطق و لّا ناوي ع العتاب

دا العتاب لو كنت اقوله يبقى بعملّك حساب

لكن انتي بقيتي ماضي و الحنين ولّى و غاب

مش حزين انّي نسيتك بعد ما نعق الغراب

و لا انوّح.. مش طبيعتي أصل دي خصلة كلاب

جتلي لحظة كنت شاكك كنت حاسس بارتياب

كنت بشرب في المرار و شعوري نار و الشّعر شاب

قلت افوّت ألف مرّة كنت اقول هاخد ثواب

بالهدايه كنت بدعي كان منايا يُستجاب

إنّما انتي كان شيطانك هو سايقك للخراب

لما شفت عنيكي مره قلت أصل الحب صاب

قالوا بائس قالوا يائس قالوا مسكين عقله خاب

لاجل ما احافظ عليكي كنت بفقد في الصحاب

لو يضايق حدّ ضلّك كنت اطيّر في الرّقاب

كان ما بينا حبل ودّ بس فالصو و باظ و داب

كنت فاكر اني غلطان و الحقيقة انّك سراب

دي نهاية حبّي ليكي هي دي ساعة الحساب

كل ذكرى ليكي عندي دفنتها تحت التراب..

#شعر_ابن_عوض

#كلمات_محمد_عوض

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s