شحط محط

مش سهل اقولك طز فيك
يوم لما اقولها ده مدح ليك
و هبدلك و لا هاشتريك
لو جيت تحايل اذل فيك
دور المذلة كاسر عنيك
لما تشوفني قول يا فكيك

و هغورك و اكسرلي قلة
لما تغور العيشة فله
بمصاحبتك هتيجلي عله
و ف طلتك نبرة مذلة
لايقه عليك يا دون يا عره
و تحيتك تتشاط لبره

داير تلف على التخوم
بمذلتك عمال تحوم
و دي كفارتها انك تصوم
عن دنيتك و تدوق هموم
و نكفنك من غير هدوم
يمكن ساعتها تلاقي نوم

قالك دا ناقص في الربايه
و معالجته يلبس عبايه
و لو اشتكى هنجيبلو دايه
مش خايفه هي م الغوايه
و مجالسته هتكون هوايه
دي رجولته بواقيها معايا

و ف جزمتي هتكون رباط
و دي رتبه ادنى م الانحطاط
حالف لاجيب في عنيك شياط
شرفك هتاخده من العياط

و هاشربك شوربة مرار
تيجي ترتوي تلقاها نار
تطفحها منزوع الاختيار
تشرب تضيف للذل عار
و هوصلك للانهيار
و انسى موضوع الفرار

و هأكلك م العيش فتات
تيجي تطفحه تلقى رفات
و يقربك نحو الممات
و معالجتك هتكون آهات

و تروح تحلي من الزبالة
من كيسها هتاخدلك كماله
و هنعمل ايه ماهو انت عاله
اكلك زبالة البقالة

لَوْ جِه يوم قاموا عملوا مسابقة
جايزتها لأفضل متسوّل
بغباواك راح تكسب فيها
و بنطاعتك راح تاخد الأوّل..

قلت اما اجيبلك مره حاجه
يمكن في حاجه تليق عليك
مالقيتش أحسن م الدجاجه
تاخدها زيّ و قدوه ليك
بمناسبة القول و الدباجه
عندك قناصه و عرف ديك

دورت بين كل الزواحف
ملقيتش اوسخ من فصيلك
قلت اما اشوف بين البغال
مش راكبه دي و دليلي ديلك
ليك ديل طويل في نهايته ليّه
صوتك هزيل شبه الوليه
لو قلت تيس هيلوم عليه
هيقولي ليه بتسب فيا

يا نص قرد و نص نملة
ازاي تواجه شاب حملة
ماهي خلفة الهبلة اللي جابت
أشكال وضيعه و عاهه كاملة

آه يا فيل من غير الزلومه
يا طفيلي يا حتة جرثومه
يابو طلعه و طلّه مشؤومه
و عيونك دي شبه البومه

آه يا تافه يا سفيه يا عبيط
و كلامك حبة فلاليط
لما تشوف اراجوز بتزيط
لما تشوف بهوات بتشيط

لو قلت انك شاب صايع
ملكش وزن و مخ ضايع
و لا يسوى نكله بين البضايع
آخرك تحطه ف ساندوتش

يا كومه مصنوعة من قفا
كلك قفا و دندفه
بقفاك هنحس الدفا
آخرك لما تقول تفتفه

يا هلس يا عصاية فتيس
و ملكش ذكر تموت فطيس
و لما يشتد الوطيس
هاتجيبلي كفنك جوه كيس

آه يا سافل يا لقيط يا خسيس
و ضميرك استك يا رخيص
كباراتك حبة قراطيس
لما تشوف جرابيع بتهيص

آه يا مختل و عالة و عبد
هاديك متنوع م الهبد
و السقفه الحلوه للقرد
في التنطيط نبتدي في العد

يا خرنج يا حتة بهلول
في رجولتك في جهاز مشلول
هخدك غرزة انا فوق النول
هاتشوفني هاتفتكر الغول

و هاجيبك و عليك هاتحول
و هعبي و تانكك هيفول
اه يا عره يا حتة متسول
هشتم فيك و هاعيد م الأول

شعر ابن عوض