ال “حاغّ” أبحما..

• هذا خشبُ “زان”

¤ خشب “زان” ازاي؟ هو فيه كده؟ انت تقصد ان اسمه خشب “زان” و لا دي من صيغ المبالغة زي ما واحد يقول ده خشب “فشيخ” مع ان فشيخ مع الخشب توحي ب”التفليق”!

• ايه يا عم اللي انت فيه ده، هو اسمه كده..

¤ مانتا عمال تقول “زان” و “صرّة الخشب” و “يفلّق”، معلش اعذرني الشباب بوظوا الكلام.. لما واحد يعجبه حاجه يقولك “جاحد كيك”، مش فاهم ليه ماحدش بيجيب اصناف تانية، انا شخصياً شايفه “جامد كايزر”..

• تقصد ايه؟

¤ العب باليه..

•ايه؟!

¤ ولا حاجه.. اقصد خلينا نخلص

• ال “دلفة” دي عايزه “علفة”

¤ “علفة موت” هئ هئ هئ

• انت هاتهزر؟!

¤ آه في حاجه؟!!

• لا يا بيه تمام..

¤ حمّام

• ماله انا مش سبّاك

¤ طيب انت صلّح ال”سِّباكِ” هئ هئ هئ

• يا بيه حرام عليك خلينا نخلص

¤ خلاص يا “حاغّ”

• ايه “حاغ” دي؟!

¤ دي زي فرعون.. خاقان.. امبراطور..

• حاغّ؟! انا اعرف الحاجّ..

¤ منوَّر يا حاغّ.. مع ان منوَّر دي تنفع كهربائي.. ده مش تبعك، خلاص.. “ممسمر يا حاغّ”..

• ليه كده بس؟

¤ مالها؟ زي ماواحد يقوله “منوّر”، يردّ “بنورك”، اقولك “ممسمر” تقولي “بمساميرك”.. صح، و لو جه السبّاك هاقوله حكم و اقوال “ماسورة” هئ هئ..

• شكلنا مش هانخلص..

¤ لا مش هانخلص

• بس انا ورايا شغل..

¤ وراك ازاي يعني؟!

• يوووه.. شكلك مش هتجيبها البَرّ..

¤ برّ ايه يا حاااغ..

• “بَرّ الوالدين” يا خفيف.. ها آاأووو..

¤ طب مانتا حلو اهو يا حاغ..

• الحلو بعد الكشري يا زريف.. هع هع

¤ لأ 🤢

¤ ايوه كده.. الله عليك يا ابحما.. اديلو ايه الجمال ده يا واليه.. مش هسيبك..

¤ خلاص يابحما هاستسلم..

• آااه امال ايه انت فاكرني “كروديا”..

¤ كفايه 🤢🥺

• هو مين.. مش هاعتقك.. مانتا عمال “تلاوع” و انا سايبك يعني

¤ فين مُوسّع الشُّعَب 🥶

• خد كمان و كمان.. مش سايبك غير “ستروبيا”

¤ 🤢

• انت لحقت تدوخ، خلاس هاجيبلك “بوغاشة” أو “ندَّاغه”

¤ حراااااميييييي.. حرااميييي..

• ايوه كده اعدل يا ابن “الرفضي” ياكش تكون فاكرني “شُرَّابة خُرْج”، دانا المعلّم ابحما على “سنّ و رمح” يا واليييه..

¤ 🏨

تقرير الوفاة: الله يرحمه مات “مبطون”!

موسيقى الهزلية