بلاد ما وراء السيس..


تحذير ! : انا ناوي اهبد جامد؛ ممنوع لذوي القلوب ال”دعيفه” و كل شاب ملظلظ و شابه عصريه كوول.. المقال ده عامل زي البلاك ميتال و فيه هرس من النوع الكثيف..

تقع بلاد السيس في الجزء البليد من امخاخ العيال السيس؛ و السيس اصطلاحاً هو تعبير يطلق على كل منبطح هلّاس نسناس..

أهلها شعب “لي لا”.. يعوم في ماء البطيخ و لديه بدلاً من فصّي المخ عبوتي بابا غنّوج و معظم غذائه قائم على ال “برينجان” عشان يمدّهم بالعناصر الغذائية اللازمة لعملية التمثيل الهلسي في الجهاز ال “هادمي”..

و هُم أيضاً الذين يجيدون محاكاة طائر البطّ في كل عملية تصوير؛ و يملأ سواعدهم كم كبير من الشخاليل و الدلاديل..

في مدارسهم؛ “تابور” الصباح عبارة عن رقصة مبنيّة على سلّم “دو ري مي فا صول لا هي هيييي” الموسيقي؛ ابتكرها مستر فاوزي عشان يضمن السلام الداخلي عند كل سيس..

كيكو شاب عصري بيحب شيمو الأوبن مايندد! مافيهاش حاجه، ربنا يسعدهم..

لما جه يتقدم ليها راح لباباها و قاله يا اونكل 😒 كنت عايز يا اونكل اقولك يا اونكل انا بحب شيمو و عايز اتجوزها، دادي كان هيجيب مصرانه الغليظ بس مرمر اختها الكبيرة اتدخلت عشان تحل الموقف..

اونكل معندوش وقت، بس قال و ماله، هتجيب ايه يا حبيبي انجز عشان عندي اجتماع.. قاله اجيبلها الدنيا بحالها.. ابوها وافق.. لو لو لو لو ليييي..

ابهات امهات اتفاقات شيكات خروجات افشخانات..

يوم الفرح قرّب.. و شيمو فرحانه جدّي..

و اتفقت مع واحده “ويدنج بلانر” هتعملها دعوات الفرح على شكل نسناس مصنوعة خصيصاً من شجر الفلوط – و في رواية شجر الزّلوط بلغة بلاد ما وراء السيس – و دي فكره مفتكسه محدش عملها قبل كده.. و النسناس أصلاً هو ايقونة بلاد السيس؛ ولاد عم ولاد التيت..

و ساعة لما راحت ال “كوافوور” عشان تحط “مانيكيووور” و تعمل “باديكييوور” الست عطيات ضلعتها في عشرين الف جنيهاً مصرياً فقط لا غير غير شامل الضريبة على اساس انها هتعدل جيناتها..

الفستان مهم خالص تجيبه من اتيليه “فوازولييه” (فاصوليا، بس بلغة السيس)..

و بوكيه الورد لازم يكون فيه زهور الزنبق و ملفوف بشريطة نحاس عشان الطاقة الإيجابية..

و شيمو زعلت من كيكو عشان في فرحها مش عايز يجيب مطرب المهرجانات شيكو صرصور الحقل..

و تغاضت عن المطرب شيكو بس بالمقابل يجيبلها رقاصة بس تكون لابسة بدلة رقص محترمة..

بستغرب قوي لما يقولو على زي الرقاصة بدلة؛ لأن البدلة دي اكتر شئ مستور في كل أنواع اللبس، انا شايفه بكيني رقص.. بس عادي.. زي ما لسه في ناس بتقول على الكنتالوب أناناس!

اما كيكو بقى يا سلام؛ شاب وسيم و ذو لحية كثيفة و شعر ناعم؛ دخل ال “سالون” الراجل ال “صالونجي” (مش عايز اقول حلاق احسن اطلع بيئة 😉) عكشوا.. نكشوا.. راح زالط دقنه و خفف الجناب و خبطه واحد فتله 🤫، كيكو وشه قلب احمر و بعدها عمل حمام كريم؛ عبارة عن مهلبية ساقعه على وشه بعدها بيتحط طمي و سماد عضوي (سباخ) عشان يطري البشره و يبقى شاب من اللدائن.. بعدها هيطلع من ال”سالون” شبه السبيط!

ادي جامد..

المهم زغاريت و زفه من اللي فيها ٥ عروض (طربوش و بخور و لبس بدوي و شخاليل و دلاديل) و بعدها رقص مكسح و دي جي مخلص بينقي اوسخ انواع الأغاني الشعبي و بعدها البوفيه و بعدها البوكيه.. العب باليه..

و لما راحت جزيرة لانكاوي صورت طبق الكيبدا و الكلاوي بصوص التارتار عشان تغيظ منَّه و تقولها ان برغم كل حاجه كيكو اختارها هي، و تعاير منّه ان الكلبة شوشو بتاعتها شعرها اكرت..

و عشان هما Honey Mooners حبو يجددوا قاموا رايحين يلعبوا على ال Beach و حضروا حفلة روعة روعة يا مامي؛ الناس بترقص و بيرشوا عليهم صابون و في حاجه زي Pool كده بنقعد نتزحلق فيها.. احب اقولها انك عايزه علاج Pool الإبل!

و هما بيتصوروا لقوا واحد باباراتزي قالهم ممكن اصوركم و انزل الصورة مطبوعة على صينية جلاش و تبقى ذكرى رائعة ان اول جلشه (قطعة جلاش) مع بعض فيها ذكرياتكم.. شيمو قالت الللاااااا حلوه دي يا كيكو.. قالها ايه ده دي تفاهه.. قالتلو عشان خاطري يا بيبيييييي؛ بيبي طبعا لطع الصورة ميقدرش يزعلها.. و قعد يقلش و “يجلش” ( من جلاش).

لما رجعوا البيت قالتله عايزه شغاله و عايزه سواق و كلب هاسكي و قطه شيرازي، قالها كلي برازي.. قالتله ايه، قالها انا قصدي ارازي.. اللهم يرحم جدّك كان بيركب الحمار و يبدل احسن يقف.. قالتلو لأ دانتا زودتها قوي، ضربته بفوطة المطبخ مات.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s