السيستم واقع..


كلمة مستساغة عند أي حد قدامه جهاز كمبيوتر و عايز يخلع ربعايه يحبس فيها بكباية شاي..

افتكر مرّه اني رحت اخلص مصلحة و الموظف قالي اتفضّل، قولتله “مش هتقول؟” قالي “مش هاقول ايه؟” قولتله “مش هتقولي السيستم واقع؟!” قالي “لأ مش واقع”.. ساعتها اتخضيت و اعتبرته فخ و مشيت.

نفسي اعرف ليه في كل مكان تروح تخلص فيه مصلحة لازم تتكدر؟ و لو الحاجه خلصت بسلاسة المفروض تتخض و تتشائم..

بشكل موازي، بانتقد بشدّة تعيين الشركات لموظفي مبيعات يجيدون الابتسامة لحد ما تدفع، و موظفي خدمات ما بعد البيع وظيفتهم يكفروا سيئاتك.

لازم لو جبت جهاز كهربائي مثلاً يطلعلك “صنايعي” يكدّر عليك صفو العيش و يعمل حاجه غلط و لازم ينخور و يخرب حاجه و يطرمخها..

و لو حاجه مش محتاجه “صنايعي” لازم يكون جواها حاجه بتشخلل و يطلعلك البياع يقولك “عادي، مفيهاش حاجه”

لو بتجيب حاجه فيها اعداد، لازم تكتشفها بعد ما تروح البيت و تلاقي البياع دافس في النص حاجه غلط..

عموماً لما حد يقولك السيستم واقع قوله “وريني” هتلاقي السيستم يرجع بقدرة قادر.

One comment

  1. حقيقي دايما السيستم بيقع طالما مش شايفينه واول ما عنينا تلمحه يشتغل على طول في بلدنا اللي بيحصل ده سيستم حياة

    Liked by 1 person

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s