لغة اللغاليغ


قال لصاحبه بنبرة مودّه و عشم “ازيّك يابن الأفاعي” هما كده حبايب، و لو اشتد بيه الحب يقوله “ياستاا”

و بيمشي بطريقة المفصليات ذات الغشاء الكيتيني عشان يثبت انه “زعااماا” و بيلبس “سنسله” و كمية اساتك و شخاليل و دلاديل دليل على السيطرة.. أي كلام..

و الشبح استحوذ على مبالغات ناس كتير، الشبح رمز البطولة رمز المغامر، رمز الشجاع.. مع ان الشبح عبارة عن سراب..

اعتقد ان الناس لو عايزة تتعلم لغات؛ محتاجه تحط على رأس الأولويات اللغة العربية. في بعض ناس الانجليزي اسهل بالنسبة ليهم، و لو حاول يكتب حاجة بالفصحى بيحس بكل معايير الحرج.

اما اللغة العامية، ممكن استخدامها للتقريب، بس بدون اقحام قواعد نحو و صرف فيها، مره واحد جه قالي عايزين نعرف عدد ال “ماركات”؛ سألته هو في كذا منتج مُشارك في الحملة التسويقية، قالي لأ.. أنا اقصد كام “سوبر ماركت”!

عندي حرب ضروس مع ما يطلق عليه ال “فرانكو اراب”، تخيل من منظور عكسي اثنين من انجلترا بيكتبوا لبعض بشكل مشابه؛ اسمّه مثلاً “ارابكو انجلز” عشان تعبّر عن حجم السخف، شوف كده “آي نييد تو جو تو ماي ماذر، آي مِس هيْر”، و لو كتبت كده يقولك “ياي” بيئا= بيئه (بدون معنى’)

تخيل لو العربي عملناله اختصارات جديده، زي out of offiice ، تخيل لو بقولك “خ. م.” بمعنى “خارج المكتب”! غريبة؟ مع ان الاختصارات كانت مستخدمة من قِبَل العرب، مثلاً أ.ه. بمعنى انتهى’..

الاسطرلاب.. ماحدش عارفه، بس كان مشهور قوي لما كان العرب قبلة العلوم، و كان بيتم نقل كذا مصطلح من للعربية للاتينية و الفارسية و التركية و لغات اخرى، بينما لو حاول حد ينقل مصطلح اجنبي بتصرُّف تطاله وصمة ال “بيئة”، تخيل مثلاً حد بيقولك ناولني ال “الحاسوب”!

ده غير اختزال الاسماء للكشف عن الاستخدام، فضلاً عن تعريبها، يقولك حط الأكل في ال “ميكروويف” او Microwave و الأَوْلى يقول “حط الأكل في فرن الميكروويف” و لو اتعرّبت يبقى’ العوض على الله “حط الأكل في فرن الموجات قصيرة المدى”🤓 و بكده تتقفل و مترضاش تاكل من الأصل.

كله بيحاول يستمد القوّة و الحداثة من مصطلحات جديدة؛ و تاعب نفسه بمتابعة الحديث عشان يبقى “روش” اللي مالهاش معنى هي كمان.

المشكلة العظيمة ان الناس بيكتسبوا الثقافة من منصات التواصل الاجتماعي او من برامج ال “توك شو”، و بيطلعوا في الآخر نُسخ مكررة هزيلة من رأي واحد و مستقاة من معين واحد.

“ذنبي انا ايه ان كنت انت مبتفهمش لغة”..

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s