السواقة في رمضان..

قالك كل سنه و انت طيب الناس مروحه قبل الفطار و مستعجلين و كل سنه و انت طيب..
اولا انا مش طيب و لا زفت طول ما البغال بتتحرك في الشارع، الناس سايقين بشكل احط من الغنم، “كأنهم حمرٌ مستنفرة فرت من قسورة”، و بيطانحو في بعض ولا الكباش في موسم التزاوج او كطريق الكباش في معبد الكرنك المليء بالكباش عن ذات اليمين و عن ذات الشمال..
انا حاسس اني ظلمت الغنم – انا آسف يا غنم – على الأقل بيمشوا في قطيع منظم بسرعة واحده و مفيش كبش بيخمس او كبش بيعمل دريفت او جاموس بياخد غرزة…

اللهم اني صائم.. كل سنه و انت طيب