كلاب الست


كلاب الست بيشغو زفاره..
ماهي وعدتهم يبنو عماره..
و هتنقلهم بالعبّاره..
و لا ادتهم و لا أيّ أماره..

كلاب الست فاكرينها شطاره..
بيدّو حقوق الناس قطّاره..
عَوَجو لسانهم زي الطّاره..
و العربيه بقت سيّاره..

كلاب الست خايفين على قوتها..
بيحموها قال ايه من موتها!
و رضاها يكمن في سكوتها..
و البركه بياخدوها من صوتها..

و ختم الست في كتفك “خاين”..
لعبيدها تفرز و تعاين..
و المديون مظلوم و الداين..
و الشاهد دفنوه مش باين..

كلاب الست عملولها الحفله..
حفله لدرجة عملت قفله..
لعبت فيها بطولة السافله..
و خدتلها ميت قفا على غفله!

كلاب الست محلك سر..
و ف لطاختهم يكمن سرّ..
بأنه دواجن شبه الهرّ..
و بزعيقها يخشع و يهِرّ..

و كلب الست ف نفسه “مُتيع”..
خاشع و خنوع و خبير توقيع..
شايف ف رجولتك أمر “فزيع”..
يصرخ و ينادي ب “التتبيع”..

عابد و عاملها خده مداس..
ناكر اخلاق و عقيدة الناس..
شايف في وعودها لأمره خلاص..
واخد هلاهيلها عاملها لباس..

شايف في ضلالها أمر شريف..
و بتديلو ع الطاعه رغيف..
في التدليس غني ع التعريف..
عامل فيها برئ و عفيف..

و حرب الست دي فيها سلام..
دا اللي بيتقال في الإعلام..
بتناشد بالاستسلام..
و كله يعيش في سلام و وئام..

و ف مظلمتك هفضل واقف..
و هردّد ف كلامها الزائف..
دي لو غضبت تقلبني لزاحف..
مانا قدامك اهو مش خائف..

بوس الختم هتبقى شديد..
اوعى تفكر تبقى عنيد..
لو تفضل مرعوش رعديد..
تصفح عنك تبقى سعيد..

هجاء ابن عوض

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s